IRAGARKIEN ELEMENTUAK AZTERTUZ

Argi dago, nahiz eta 10 spot ez diren asko, hauek aztertu eta gero gaur egungo iragargintzan konstante batzuk jarraitzen direla, ezaugarri batzuk errepikatuz. Joera nagusiak ikusten dira klasean betetako taula hori aztertuz, oso nabarmen eta adierazgarriak direnak.

Esan behar dut, iragarkiak ausaz aukeratu ditugula klasean, beraz, atera ditugun emaitzak aurreikusita ez genituela esan dezakegu.

Aztertutako iragarkien zerrenda

- Surfer Toyota(kotxea)

- Deseos Iberostar(hotel katea)

- F.C BARCA(futbol kluba)

- Mahou(garagardoa)

- Celtunis Celta esnea)

- Estas en casa(EITB)

- El corte ingles(lavadora)

- 11811(telefono zerbitzua)

- Emilio Tucci(arropa marka)

- Tall tree and the eye(Anis Kapur erakusketa)

Ikusi dugu, iragarkiak elementu desberdinez osaturik daudela, eta lehen esan bezala, elementu horiek askotan errepikatzen dira. Iragarkia 8 zatitan banatu dugu: Spota, produktua, emotikoa/arrazoi, umorea, didaktikoa, musika, ospetsuak eta ahotsa. Horrela, iragarki bakoitza zerez osatua dagoen aztertu ahal izan dugu.

Ikusi dugunez, iragarki gehienak emotikoak dira, hau da, ikuslegoaren inplikazio emozionala lortu nahi dute, arrazoia erabili gabe. Iragarkien %70a emotikoa dela esan dezakegu eta arrazoiaz baliatzen den publizitatea %10ekoa soilik. %20ak, berriz, bi moduak uztartzen ditu, mixtoa bilakatuz.

Beti pentsatu izan dut umorea oso errekurtso erabilia dela publizitatea egiteko momentuan, jendeari grazia egin eta gure iragarkiarekin geratuko direlakoan.

Azterketa hau egin ondoren, hala dela ikusi dugu, izan ere, iragarkien gehiengoa umoreaz baliatu da.

Lagina aztertu ondoren, iragarkiak didaktikoak ez direla ondorioztatu dezakegu. Iragarleei ez zaie euren produktuari buruzko informazio teoriko edo deskriptiboa eskaintzea interesatzen. Askotan, iragarki batean produktua ez dugu ikusi ere egiten. Hau lehen esandakoarekin lotu dezakegu, hau da, ikuslegoaren alde emozionala irabazi nahi dela arrazoia eta produktuari buruzko beharrezko informazio eskaini gabe.

Logikoa den bezala, iragarki guztiak musika erabiltzen dute. Fondo moduan izaten da gehienetan. 11811 iragarkiak berriz, bere zerbitzuaren izena jigle moduan esaten du, jendearen buruetan errez geratzen den doinua emanez. Honek, produktuaren markaren gogoragarritasuna handitzen duela esango nuke, iragarkia eraginkorragoa eginez. Ahotsa, berriz, over moduan erabiltzen dute eta normalean gizonezkoak dira. Horrek, asko deitu dit atentzioa, izan ere, badirudi gizonak izan daitezkeela produktuaren preskriptore bakarrak.

Elementuen azterketarekin amaitzeko, esan dezaket ospetsuen erabilera %40koa izan dela gure laginean. Nik beti pentsatu izan dut, aurpegi ezagun batek on egiten diola markari baina kontuan izan behar da aurrekontu altua behar dela hori lortzeko. Gainera, honek ere bere alde txarrak ditu, besteak beste, ospetsuak ospe txarra hartzen badu markak ere horren eragina jasoko du.

Orokorrean, ikusi dugu gaur egungo iragargintzan , umorea, iragarki emozionalak, musikadunak eta gizonen over ahotsa darabiltzaten elementuak nagusitzen direla.